Meksikada kümäk qaberlek

Latin Amerikası däwläte Meksikada kümäk qaberlek tabıldı. Ul Tın okean yarındağı Kolima provinśiyäsendä.  Cirle prokuraturadan belderülärençä, 11 qaber çoqırınnan 19 keşeneñ üle gäwdäse çıqqan. İminlek saqçıları cäsädlärneñ tağın da kübräk buluın farazlıy. Qaberlektä qazu êşlären däwam itterälär.

Poliśiyä töbäktä oyışqan cinayät’çelek problemasınıñ citdi buluına iğ’tibarnı cälep itä. Älege qaberlekneñ kemneñ êşe buluı älegä açıqlanmağan. Mäyetlärneñ DNK analizları yasalaçak häm yuğalğan keşelär turındağı mäğ’lümatlar belän çağıştırılaçaq.  

Meksika milli statistika institutınnan belderülärençä, Kolima här 100 meñ keşegä turı kilüçe 113 üterü oçrağı belän 2017nçe yılda ilneñ ın küp keşe üterelüçe töbäge buldı.