İzrail ğaräp awılın tağın cimerde

İzrail ğaskӓrilӓre Necef çülendӓ urnaşqan hӓm fӓlӓstinellӓr yӓşagӓn El-Arakib awılındağı öylӓrne 139nçı tapqır cimerde.

İzrail köçlӓre salqınğa qaramastan awıldağı öylӓrne cimerep, xatın-qız hӓm balalarnı yortsız qaldırdı.

İzrail berençe tapqır 2010 yılnıñ iyulendӓ öylӓrne cimergӓn Arakib awılında 80nӓn artıq İzrail watandaşı bulğan fӓlӓstinle yӓşi.

İzrail citӓkçelege awılnıñ qanunsız yullar belӓn qorıluın hӓm cimerelüe zarurlığın dӓğwa itӓ.

Awıl xalqı isӓ bu cirlӓrneñ İzrail qorılğançı uq atalarınnan üzlӓrenӓ miras bularaq qaluın assızıqlıy. Alar İzrail köçlӓreneñ hӓr cimerüennӓn soñ ağaç hӓm plastmass materiallar belӓn öylӓren qabat tözep, kön kürӓ.

Necef töbӓgendӓge başqa awılalrğa bulğanı kebek êlektr hӓm su kebek xezmӓtlӓrne kürsӓtmӓwçe İzrail töbӓktӓ yӓşӓwçe fӓlӓstinlelӓrneñ cir milegen dӓ tanımıy.