AQŞta soñğı 25 yılnıñ iñ suıq könnäre

Amerika Quşma Ştatlarında soñğı 25 yılnıñ iñ suıq könnäre.

Çikagoda qar körägenä bärelgän ber keşeneñ ğomere özelde. İndianada ber par qarlı yulda qazağa oçrap hälaq buldı.

Milwoki, Detroyt häm Êkorsta 3 keşe uramda öşep ülgän xäldä tabıldı.

İllinoys ştatındağı Çikagoda hawa temperaturası -17 gradus, ämma xis itelüçe -44 bularaq ülçände. Cirlektäge ğadättän tış suıqlar säbäple Çikağo yılğası boz belän qaplandı, şähärdä barlıq poyezd säfärläre ğamäldän çığarıldı.

Qaladağı yort-cirsezlär öçen açılğan iñ zur sıyınu märkäzlärennän berse, barı tik ozın waqıtqa mösafirlar alu qağıydäsen bozıp, 800läp keşene qabul itte.

Hawa temperaturası Tön’yaq Dakotada - 24, Minnesotada - 18, Viskonsinda - 14 gradusqa qadär töşte.

Ğadättän tış suıqlar säbäple AQŞ külämendä 2 meñnän artıq oçqıç säfärläre dä ğamäldän çığarıldı. Poçta bülekläre bik salqın ştatlarda xezmät kürsätmäyäçäklären belderde.

Belgeçlär xalıqnı mäcbür bulmıyça tışqa çıqmasqa, yort xaywannarın da cılıda totarğa häm öydäge êlektr cihazları mäs’äläsendä diqqat’le bulırğa çaqırdı