Braziliyädä işelgän damba astında qaluçılarnı çığaralar
Xäxergä 300dän artıq keşe yuğalğan isäplänä
Braziliyädä ber şaxtanıñ atıq sular böyäsendä damba işelü säbäple ülüçelär sanı 58gä citte. İsegezgä töşeräbez, waqıyğa Minas-Jerays töbägendä buldı. Qaza êşçalär töşke aşta waqıtta kilep çıqtı. Qotqaruçılar balçıqqa kümelgän aşxanägä äle barıp citä almadı. Xäzerge waqıtta 305 keşeneñ yuqqa çığuı bilgele.
Qotqaru êşçänlege tön buyı däwam itte. Törkemnär böyädä qalğan ber avtobusnı tabıp aldı. Anın êçendä niçä keşe buluı älegä açıqlanmağan.
Minas-Jerays qotqaru oyışması wäkile Flavio Godin’o: “İsän buluçılarnın urınnarın belergä häm anda barıp citärgä tırışabız,”-dide
Böyädän aqqan sular Brumadin’o şähärendä binalarğa zarar birde. Anda yaqınça 3 meñ keşene êvakuaśiyälägännär.
Böyä qazılma baylıqlar çığaruçı şirkätneke. Comğa könne damba işelgännän soñ uq başlanğan êzläw-qotqaru êşläre şul uq oyışmanıñ yänäşädäge başqa dambası işelü ixtimalı arqasında tuqtatılıp tordı.
