Awrupa Berlegeneñ saylawğa çaqıruına cawap
Awrupa Berlege kön êçendä yaña ilbaşı saylawların iğ’lan itärgä çaqırdı
1133831
Awrupa Berlegeneñ Nikolas Maduroğa yanawına Venesuêladan cawap kilde. Alar 8 kön êçendä yaña ilbaşı saylawların iğ’lan itärgä çaqırğan ide. Yuqsa, Awrupa illäre Milli parlament başlığı Xuan Guaydonı waqıtlıça däwlät başlığı bularaq tanıyaçaq. Venesuêla tışqı êşlär ministrı Xorxe Arreaza mona cawap itep: “Awrupa bezgä 8 kön birä. Suveren millätkä qarşı bu köçne yäisä ul’timatumnı qaydan alasız? Bu balalarca tıqşınuçan mönäsäbät qaydan kilä?”-dide ul.
BMO iminlek şurasınıñ Venesuêladağı krizis xaqındağı utırışında Arreaza çığış yasap, Amerika Quşma Ştatların ildä tüntäreleş yasawda ğayepläde. “AQŞ tüntäreleşneñ artında tormıy, ul anıñ başında. Venesuêlada oppoziśiyägä häm xezmätçe illärgä kürsätmälär birä häm öyrätep tora,”-dide ministr.
