Tripolida "utnı tuqtatu" kileşüe
Tripolida çärşämbe könne başlanğan bäreleşlärgä çik quyu öçen kileştelär
Liviyäneñ başqalası Tripolida çärşämbe könne başlanğan bäreleşlärgä çik quyu öçen “utnı tuqtatu” kileşüe tözelde. Bu xaqta jurnalistlarğa matbuğat cıyılışında xäbär ittelär. Anda äytelgänçä, başqaladağı häm Tärhunä şähärendäge qabilä liderları belän ähämiyätle şäxeslär üzara kileşte.
Dokument taraflar arasında imzalandı. Ul qorallı törkemnärneñ torğan cirlärennän 15 kilometr artqa çigenüen, äsirlär belän almaşu häm mäyetlärne birüne, yullarnı açu, bar’yerlarnı alu, awır qorallarnı ştablarğa iltep quyunı küzallıy.
Kileşüneñ ğamälgä kerü waqıtları äytelmi.
Tripolida 4 aylıq “utnı tuqtatu”nı tögällägän bäreleşlär uzğan çärşämbe Milli tatulıq xökümätenä bäyle Tripoli saqlanu köçeneñ Täxunä cidençe brigadasın “şähärneñ xärbi çiklärennän çigenmäw”dä ğayepläwennän soñ başlandı. Atışularda 15 keşeneñ ğomere özelde. Monnan tış, 47 keşe yaralandı. Aralarında xatın-qız häm balalar da bar.
Bäyläneşle xäbärlär
Putin Ciñü könendä çığış yasadı
Bügen Rusiyädä İkençe Bötendön’ya suğışınıñ tögällänüen bilgeläp uzalar
