Boko Xaramğa tışqı köçlär yärdäm itä

Nigeriyä däwläte başlığı Muxammädu Buxari terrorçı oyışma Boko Xaramğa hiş şöbhäsez tışqı köçlär yärdäm itüen söyläde. Ul alarnı tulısınça yuq itü öçen armiyäneñ tağın da kübräk qoral häm kiräk-yaraqlarğa ixtiyacı buluın belderde.

Çik belmäwçe tabiblar oyışması mäğ’lümatlarına qarağanda, Boko Xaram xärbi bazalar belän toraq punktlarğa höcüm itä häm bu säbäple un meñnärçä keşe yäşägän cirlären taşlap başqa urınnarğa küçenergä mäcbür.

Boko Xaram Nigeriyädä 2000nçe yıllarnıñ başında päyda buldı. 2009nçı yıldan ul massaküläm üterülär oyıştıra. Anda 20 meñnän artıq keşeneñ ğomere özelde.