"MinTörkiyä häm Rusiyäneñ İdlibtä totrıqlılıqnı däwam itterü qatğıylığınnan qanäğät'"
Bu xaqta BMOnıñ Süriyä maxsus wäkile Geir O. Pedersen belderä
Berläşkän Millätlär Oyışmasınıñ Süriyä maxsus wäkile Geir O. Pedersen Törkiyä häm Rusiyäneñ İdlibtä totrıqlılıqnı däwam itterü mäs’äläsendäge qatğıylığınnan qanäğät’ buluın belderä.
BMO ğomum särqätibe süzçese Stefan Dyujarrik könlek matbuğat brifingında BMOnıñ yaña Süriyä wäkile norvegiyalı diplomat Pedersennıñ Süriyädä tınıç yullar belän çişeleş tabu öçen barlıq yaqlar belän söyläşülar alıp baruın, pänceşämbe könne Xalıqara Süriyägä yaqlaw kürsatü törkeme belän küreşep söyläşüen citkerde.
Oçraşuda Süriyädä Rukban,İdlib häm ilneñ tön’yaq könçığışındağı humanitar krizis turında süz baruın beldergän Dyujarrik Pedersennıñ Törkiyä häm Rusiyäneñ İdlibtä totrıqlılıqnı däwam itterü yünäleşendäge qatğıylığınnan qanäğät’ buluın äytkän.
Dyujarrik soñğı 6 ayda bäreleşlär häm hawa höcümnäre säbäbe belän 25 meñ keşeneñ küçenep kitärgä mäcbür itelüen ,”DEAŞ” kontrolendäge töbäklärdä qaluçı ğadi xalıqnıñ xäleneñ borçu tudıruın citkerde.
