Çipras Törkiyägä kilä

Aleksis Çipras Greśiyanıñ “Open TV” kanalına birgän äñgämäsendä İlbaşı Räcäp Tayyip Ärdoğannıñ çaqıruı qısalarında planlaştırılğan Törkiyä säfäre belän bäyle bularaq: "Fevral’ ayı başında Törkiyägä baram. Läkin waqıtı älegä bilgelänmäde”, - dip äytte.

İke il arasındağı êlemtä kanallarınıñ bigräk tä problema bulğan çaqlarda açıq buluı zarurlığına iğ’tibarnı yünältüçe Çipras: "Ärdoğan belän bu kanalnıñ açıq qaluı möhim, bigräk tä problema bulğan çaqta. Bolay da üze belän här 2-3 ayda ber tapqır xalıqara cıyılışlarda oçraşam. Çönki yaqın êlemtä, ayıruça iñ yuğarı däräcädä bik möhim”, - dip äytte. 

Şul uq waqıtta Greśiya baş ministrı xökümät urtağı “ANEL”neñ Makedoniya belän “isem kileşüe” arqasında xökümätkä yaqlawın kire alğan oçraqta ışanıç kvotasın sorıy alaçağın häm yaqlaw kürmägän oçraqta waqıtınnan êlek saylawnıñ ütkärelä alınaçağın da äytte.