Gvineyada köymä battı

Gvineyada Yaña yıl bäyrämennän qaytuçılarnı utırtqan köymä battı. Näticädä kimendä 2 keşeneñ ğomere özelüen xäbär itälär.  

Cirle mäğ’lümat çaralarında yazılğança, Yaña yılnı qarşılaw öçen başqala Konakri tiräsendäge utrawlarğa kitkän köymälärneñ berse qaytu yulında äylänep qaplana. Bu waqıtta anda 41 keşe bulğan. Alarnıñ 2seneñ ülüe bilgele. 30 keşe yuğalğan.

Köymädäge 9 keşe qotqarıldı.

Wäqalätle zatlar köymälärneñ balıqçı katerları buluın häm yulçı yörtü öçen qullanılmasqa tiyeşlegen belderde.

Utrawlar häm Konakri arasındağı sularda çiktän tış yuğarı dulqınnar säbäple bik yış köymä qazaları bula. İyül’dä bulğan hälakättä 30 keşeneñ ğomere özelde.