Tın okeanda yanğın
Yaponiyädän AQŞnıñ Gavayi ştatına baruçı korabta yanğın çıqtı
1117587
Tın okeanda Yaponiyädän AQŞnıñ Gavayi ştatına baruçı köymädä yanğın çıqtı. Panama bayrağı yörtüçe älege yök korabı maşina taşıy. Ul Gavayinıñ Oaxu utrawınnan yaqınça 3 meñ 300 kilometr yıraqlıqta yaña başlıy. Korab êkipajındağı 21 xezmätkärneñ 16sın yaqında bulğan säwdä köymäläre yärdäme belän qotqaralar.
AQŞ yar buyı iminlege sağı xezmätennän xäbär itülärençä, qalğan 5 keşeneñ 3sen sudan çığarğanda yäşäw bilgeläre bulmıy. İkese äle xaman tabılmağan.
Gonolulu yar buyı iminlege urtaq qotqaru koordinaśiyäse üzäğe wäkilläre säwdä köymälärenä räxmät citkerde. “Alarnıñ tiz arada êşkä kereşüe näticäsendä êkipajnıñ 16 keşese qotqarıldı,”-diyelä alarnıñ belderüendä.
198 metr ozınlığındağı korabta çıqqan yanğınnıñ säbäbe xaqında mäğ’lümat birelmäde.
