Hindıstanda "Xatın-qızlar diwarı"

Hindıstannıň Kerala vilayätendä 5 million xatın-qız ir-at – xatın-qız tiňlegen xuplaw öçen 620 çaqrımlıq yulğa tezelep bastı.

BBC beldergänçä Kerala vilayätendä xatın-qızlar ilneň iň zur ğibadätxanälärennän Sabarimalağa kergän urınnan tezelep kitte.

Hinduizmnıň iň izge ğibadätxanälärennän sanaluçı Sabarimala 10-50 yäş’ arasındağı xatın-qızlar öçen yabıq ide, läkin Yuğarı mäxkämä sentäbr’ ayında tıyunıň beterelüenä qarar birde.

Xatın-qızlar mäxkämä qararına qaramastan tıyu yaqlı buluçılarnıň xatın-qızlarnıň ğibadätxanägä kerünä qomaçawlawına iğtibarnı cälep itär öçen cıyıldı.

“Xatın-qızlar diwarı” vilayätneň sulçı xökümäte tarafınnan oyıştırıldı.

Räsmi zatlar Keralanıň törle töbäklärennän yaqınça 5 million xatın-qıznıň vilayätneň tön’yağınnan kön’yağına qadär avtoyullarda tezelep basuın belderde.

Hindular 10-50 yäş’ arasındağı xatın-qızlarnıň “kerle” buluın qabul itä häm dini cıyınnarda qatnaşuların tıya.