Germaniyädä qaçaqlarğa höcüm

Germaniyäneñ Tön’yaq Reyn-Vestfaliyä töbägendäge Botrop şähärendä ber maşina yörtüçe avtomobilen qaçaqlar östenä taba borıp 4 keşene yaraladı. Monı ul belep maxsus êşli.

Töbäkneñ êçke êşlär ministrı Gerbert Reul waqıyğanı citdigä aluğa kiräklegenä basım yasadı. “Höcümçeneñ çit il keşelären üterü niyäte bar ide,”-dide ul.

Höcüm itüçe 50 yäş’lärendäge nemeś. Waqıyğa Yaña yılnı bäyräm itkän tönne şähärneñ Berlin mäydanında bula. Zarar kürüçelär Süriyä häm Äfğanstan çığışlı qaçaqlar. Alarnıñ 4se yaralana, berseneñ xäle awır.

Cirle matbuğat çaralarında çıqqan xäbärlärgä qarağanda, waqıyğadan soñ Êssen şähärendä qulğa alınğan höcümçe rasaçıl süzlär söylägän. İminlek saqçıları anıñ êkstremist qaraşlı buluın belderä.

Waqıyğadan alda höcümçe maşinası belän şähärneñ törle urınnarında cäyäwlelärneñ östenä taba kilgän. Keşelär annan qaçıp qotılğan.