Germaniyädä çit il keşelärenä höcüm

Germaniyäneñ Tön’yaq Reyn-Vestfaliyä töbägeneñ Botrop häm Êssen şähärlärendä Yaña yıl tönendä maşinası belän çit il keşelären taptatırğa mataşuçı şäxes räşätkä artında. 50 yäş’lek nemeśnı keşe üterergä omtıluda ğayeplädelär. Bu xaqta Êssen prokuraturası häm Münster poliśiyäse belderde.

Şöbhäle Botrop häm Êssen şähärlärendä maşinası belän 4 törle urında keşelärne taptatırğa mataştqan. Bu höcümnärdä 8 keşe yaralanğan. Berseneñ xäle awır. Yaralanuçılarnıñ 5se Süriyädän, 2se Äfğanstannan häm 1seneñ törek buluı bilgele.

Tön’yaq Reyn-Vestfaliyä êçke êşlär ministrı Gerbert Reul höcümçeneñ älegä qadär çiktän tış sulçı oyışmalar belän bäyläneşe buluı turında mäğ’lümatqa yulıqmawların belderde. Anıñ çit il keşelärenä şäxsi näfrät häm qanäğat’sezlek yözennän cinayät’ êşläwen farazlıylar.

Reul waqıyğa belän bäyle tikşerüneñ däwam itüen äytte.

Xökümät süzçese urınbasarı Martina Fiś Berlinda oyıştırılğan matbuğat cıyılışında qaysı taraftan kilsä dä ildä êkstremizm, ksenofobiyä häm tüzmäwçelekkä urın bulmawına basım yasadı.