Kölgän öçen - 2 yıl törmä

Misır mäxkämäse utırışta kölgän öçen 2 yıl törmä cäzasına xökem itte. Möselman Qardäşlär oyışmasınıñ säyäsi qanatı Xörriyät häm Ğadellek partiyäse citäkçese Möxämmät äl-Biltaci “törmälär basqını” däğ’wası utırışlarınıñ bersendä kölemserägän bulğan. Ul anda ğayeplänüçe bularaq qatnaşa. Şahitlärdän soraw alu barışında bulğan älege yılmayunı “mäxkämäne mısqıllaw” bularaq bäyälädelär.

Misır räsmi xäbär agentlığı xäbärendä yazılğança, uzğan ay bulğan utırışta, mäxkämäneñ şahitlärgä artıq küp soraw birüne çikläw qararınnan soñ, Biltaci mäsxäräläwçe räweştä kölemserägän. Şul säbäple aña qarata mäxkämäne mısqıllawda ğayepläp däğ’wa açılğan.  

Misır qanunnarına kürä, Biltaci anıq bulmağan bu qararnı 60 kön êçendä kire qağa ala.  

Kahirä mäxkämäse 15nçe fevral’dä dä utırışta kölgäne öçen Biltacigä 1 yıl törmä cäzası birgän ide.