Ukrainağa çikläwlär arta

Rusiyӓ Federaśiyase prem’yer-ministrı Dmitriy Medvedev Ukrainağa qarata çiklӓwlӓrne arttıruçı qararnamӓne imzaladı.

Rusiyӓ xökümӓteneñ matbuğat xezmӓtennӓn yasalğan açıqlawda Ukrainağa qarata iqtisadi çiklӓwlӓrgӓ 200 keşe hӓm şirkӓtne östӓwçe qararnamӓneñ prem’yer-ministr Dmitriy Medvedev imzası belӓn ğamӓlgӓ kerüe belderelde.

Medvedev Twitterdağı açıqlawında: “Bu qarar Rusiyӓ dӓwlӓte watandaşları hӓm şirkӓtlӓre xoquqların küzӓtü öçen qabul itelde,” – dip yazdı.

Rusiyӓ Federaśiyase 2018 yılnıñ 1 noyabr’ könne ğamӓlgӓ kergӓn qararnamӓ belӓn 322 Ukraina watandaşı hӓm Ukrainalı 68 şirkӓtkӓ qarata iqtisadi çiklӓw qullana başlağan ide.

Rusiyӓneñ Qırımnı qanunsız rӓweştӓ yawlap aluı hӓm Ukrainanıñ könçığışında barlıqqa kilgӓn krizis arqasında Kiyev citӓkçelege dӓ 2014tӓ Mӓskӓwgӓ qarata törle iqtisadi çiklӓwlӓr ğamӓlgӓ kertte.