Angliyädä pesi häm êt balaların kibettä satu tıyıldı

Angliyä pesi häm êt balalarınıñ kibetlärdä häm öçençe taraflarnıñ aradaşçılığı belän satıluın tıydı. Xökümät yaña qanunnıñ, xaywan balaları ürçetü fermalarına qıyınlıq tudırıp, pesi häm êt balaların qanunsız yullar belän satunı awırlaştıraçağın belderde.  

İldä röxsätkä iyä kibetlär häm öçençe şäxeslär pesi häm êt ürçetüçe fermalardan alınğan xaywan balaların sata ala ide. Ämma yaña üzgäreştän soñ, keçkenä mäçe häm köçeklär alırğa teläwçelär xaywan priyutlarına barırğa mäcbür bulaçaq.

Xaywannarnı yaqlaw oyışmaları bu qanunğa bik söyende. Anıñ dürt ayaqlı duslarnıñ yäşämenä yana ber başlangıç birüen assızıqladılar.