İndoneziyädä tağın ber śunami bulırğa mömkin

İndoneziyädä Zond buğazında bulğan śunamida ülüçelärneñ sanı 281gä citte. Bu xaqta ilneñ afätlär waqıtında idarä itü xezmäte süzçese Sutopo Purwo Nugroho belderde. Tabiğıy qazada yaralanuçılarnıñ sanı isä 1016. Monnan tış, 57 keşeneñ yuqqa çığuı turında söylilär.

Meteorologiyä xezmäte Anak Krakataw yanartawında vulkanik xäräkätlelekneñ däwam itüe häm yaña śunami bulu mömkinlege turında kisätä. Xalıqnı yar buyı sızığınnan yıraq torırğa çaqıralar.

Nugroho äytüençä, qayber töbäklärdä śunami kisätü sistemaları urlanğan yäisä bozılğan. Ul älege cihazlarnıñ yañartıluı kiräklegen assızıqladı. Şul uq waqıtta, xalıq sośial’ media aşa śunami kisätü sistemasınıñ êşlämäwe arqasında keşelärneñ ülüen häm monnan xökümät wäkilläreneñ cawaplı buluın belderde.

Êzläw häm qotqaru êşçänlege däwam itkän cirlektä älegä qadär 3 mennän artıq keşeneñ urınınnan kitüe bilgele.   

Wäqalätle zatlar töbäktäge Anak Krakataw yanartawındağı vulkanik xäräkätlelekneñ śunamiğa säbäp buluın beldergän ide.