Brett MakGurk wazıyfasınnan kitte
AQŞnıñ terrorçı oyışma DEAŞ belän köräş maxsus wäkile Süriyädän çığu qararı belän kileşä almağan
AQŞ ilbaşı Donal’d Trampnıñ terrorçı oyışma DEAŞ belän köräş maxsus wäkile Brett MakGurk wazıyfasınnan kitte.
Amerikanıñ mäğ’lümat çaralarında urın alğan xäbärlärgä qarağanda, MakGurk äle küptän tügel däwlät departamentındağı ber cıyılışta Süriyädän çığunıñ mantıyqsız bulacağın äytkän. Anıñ älege qararnı yaqlamawı säbäple däwlät särqatibe Mayk Pompeoğa êşennän kitü turındağı ğarizasın birüe belderelä. Anda MakGurk töbäktä DEAŞnıñ äle xaman aktiv buluın häm terror oyışmasın tulısınça ciñmäwlären alğa sörä. Ul çigenü qararınıñ terrorçılarğa qabat cäyelü öçen mömkinlek biräçägen assızıqlıy.
Brett MakGurk êlekkege ilbaşı Barak Obama tarafınnan DEAŞ belän köräş maxsus wäkile bularaq bilgelände. YPG/PKK komandirları belän fotoğa töşüläre häm açıqlawlar yasawı qaywaqıt Törkiyädä rizasızlıq belderülärgä säbäp bulğaladı.
Bäyläneşle xäbärlär
"Qayberläre tereläy kümelgän"
"Xamas" Nasır xastaxanäsendäge kümäk qaberlekne tikşerü öçen yärdäm sorıy
