"Süriyӓgӓ ğaskӓri cibӓrü baştan uq xata ide"

İrannıñ tışqı êşlӓr ministrlığı süzçese Behram Kasımi Amerika Quşma Ştatlarınıñ Süriyӓgӓ ğaskӓri cibӓrüeneñ baştan uq yasalğan xata buluın ӓytte.

Kasımi tışqı êşlӓr ministrlığı sӓxifӓsendӓ urın alğan açıqlawında AQŞnıñ Süriyӓdӓn ğaskӓri çigü qararına bӓyӓ birde.

AQŞ ğaskӓrilӓreneñ töbӓkkӓ kerüeneñ hӓm anda qaluınıñ baştan uq yalğış, mӓgñӓsez, kiyerenkelek hӓm krizis sӓbӓpçese buluın citkerde. Kasımi: “AQŞ ğaskӓrilӓre töbӓktӓge totrıqsızlıq hӓm iminsezlek şartlarınıñ sӓbӓpçese bularaq kürelӓ,” – dide.

AQŞ ilbaşı Tramp 19 dekabr’ könne Twitterda yasağan açıqlawında bolay dip yazğan ide: “İlbaşı wazifamda Süriyӓdӓ buluıbıznıñ berdӓnber sӓbӓbe bulğan DEAŞ terror oyışmasın ciñdek.”