Narkobiznesqa satılğan poliśiyä
Braziliyädä distälägän tärtip saqçısı mafiyädän rişwät alğanda totıldı
Braziliyäneñ San-Paulu şähärendä 50 dän artıq poliśiyä xezmätkäre narkomafiyädän rişwät aluda ğayeplänep qulğa alındı.
İldäge iñ köçle narkobiznes oyışması Fyerst Kapital Kommand belän tärtip saqlawçılar arasındağı xezmättäşlekne faş itü öçen şähärneñ poliśiyä departamentı häm prokuratura bergä êşli. Maxsus operaśiyä waqıtında 53 poliśiyä xezmätkäre qulğa alındı, 3 şöbhäle narkomafiyä äğ’zası isä saq astına quyıldı.
Braziliyädä kiñ cäyelgän cinayät’çelek häm narkobiznes belän köräş yaña saylanğan prezident Jair Bolsonarunıñ iñ ähämiyät birgän mäs’älälärennän berse.
Tikşerenüçelär soñğı yıllarda zur tizlek belän zurayğan Fyerst Kapital Kommand mafiyäseneñ Braziliyädä kokain häm qoral äyläneşen kontrol’dä totuın, kürşe däwlätlärdä citeşterelgän tıyılğan matdälärne Braziliyä portları aşa Afrika häm Awrupa qıytğasına cibärüen belderä.