Yupiternıñ yaña fotoları

Yupiternıñ serlären tikşerüçe Juno ğaläm apparatınıñ zur gaz massasınıñ qotıp öleşlären JunoKam kamerası belän töşergän fotoları cämäğat’çelekkä täq’dim itelde. Anda planetanıñ ul töbäklärendäge dawıllar bik açıq kürenä.

JunoKam proyektınıñ liderı häm Arizonada  Planetologiyä institutında êşläwçe astronom Kêndis Xanson älege räsemnärne geofiziklar berlege cıyılışında urtaqlaştı. “Qotıplar östennän täwge uzuıbızda Yupiterda êlegräk kürelmägän ber cirlekne küzätüebezne belä idek. Kötelmägän närsä - zur ğarasat, śiklonnarnıñ çın mäydannarın kürü buldı. Monıñ iskitkeç buluın uyladıq,”-dide ğalim.

Juno apparatı Yupiternıñ orbitasın 53 köndä äylänep çığa. Anıñ Koyaş sistemasındağı iñ zur planetanıñ niçek barlıqqa kilüe turındağı serlärne çişügä êtärüe kötelä.