“Franśiyadağı protestlar il iq’tisadına tiskäre yoğıntı yasayaçaq”

Franśiya iq’tisad ministrı Bruno Le Maire “sarı jiletlılar” protestlarınıñ il iq’tisadınıñ ağımdağı yılnıñ soñğı 3 ayındağı üseşenä 0,1 ball däräcäsendä tiskäre yoğıntı yasayaçağın beldergän.

Şimbä könne oyıştırılğan rizasızlıq belderü çarası säbäbe belän säwdä üzäklärenä kilüçelär sanı 17%qa kimegän.  

Êçke êşlär ministrlığı mäğ’lümatlarına kürä,”sarı jiletlılar” nıñ şimbä könge protest çarasında 136 meñ keşe qatnaşqan.

 Älege waqıyğalarda 700 dän kübräk keşe qulğa alınğan.

17 nçe noyabr’dä yağulıq salımnarın töşerüne häm iq’tisadi şartlarnı yaxşırtunı taläp itep başlanğan soñınnan Makron citäkçelegenä qarata açu-yarsuğa äwerelgän “sarı jiletlılar”nıñ protestları ildä soñğı yıllarnıñ iñ köçle rizasızlıq belderü çarasına äwerelde.