Meksika ilbaşı wazifasına başladı
Meksikodağı San Lazaro sarayında ant itü tantanası oyıştırıldı
Meksikanıñ yaña dӓwlӓt başlığı Andres Manuêl’ Lopez Obrador ant itep, wazifasına başladı.
1 iyul’ könne uzğan ilbaşı saylawı hӓm ğomüm saylawda ciñü yawlağan Obradornıñ ant itü tantanası başqala Meksikodağı San Lazaro sarayında oyıştırıldı.
Tantanadan soñ Obrador xalıq ışanıçlıları hӓm aralarında dӓwlӓt başlıqları da bulğan qunaqlar aldında çığış yasadı.
Ul 6 yıllıq wazifasında qanunsızlıq belӓn körӓşӓçӓgen hӓm ilendӓ ğadel bulacağın ӓytte.
Çığışınnan soñ tantanağa kilgӓn qunaqlarnıñ isemnӓren uqıp, rӓxmӓten beldergӓn Obrador Venesuêla ilbaşı Nikolas Maduronıñ isemen ӓytkӓndӓ isӓ yӓnӓ oppoziśiyaneñ protest süzlӓre işetelde.
Maduro turında “Diktator” şiğare ӓytelde, Obradornıñ çığışın bülgӓn xalıq ışanıçlıları ayıruça “Maduro, xuş kilmӓdeñ” dip yazılğan plakat ta kütӓrde.
Xaqimiyӓttӓge xalıq ışanıçlıları isӓ Maduro isemen alqışladı hӓm oppoziśiyaçellӓr kütӓrgӓn plakatnı töşerergӓ tırıştı.
Tantanada Maduro belӓn ber rӓttӓn Amerika Quşma Ştatları vise-prezidentı Mayk Pens, AQŞ ilbaşı Donal’d Trampnıñ qızı İvanka Tramp, Êkvador dӓwlӓt başlığı Lenin Moreno, Kolumbiya ilbaşı İvan Duku, Kuba ilbaşı Migel’ Diaz-Kanel, Boliviya dӓwlӓt başlığı Êvo Morales kebek yuğarı dӓrӓcӓle isemnӓr qatnaştı.
