Tramp häm Putin oçraşmasqa mömkin
Tramp G20dä bulırğa tiyeş oçraşudan baş tartmaqçı
![Tramp häm Putin oçraşmasqa mömkin](http://cdn.trt.net.tr/images/xlarge/rectangle/cd4b/5bb0/822d/5b6418936197c.jpg?time=1718830514)
AQŞ ilbaşı Donal’d Tramp Rusiyä häm Ukraina arasında bulğan kiyerenkelektän soñ Vladimir Putin belän oçraşudan baş tartırğa uylawın belderde. Ul Rusiyä däwlät başlığı belän Argentinadağı G20 sammitında küreşergä isäpli ide. Bolarnı Tramp Vaşington Post gazetına interv’yusında söyläde. AQŞ ilbaşı qarar birü öçen Rusiyä häm Ukraina arasındağı kiyerenkelek turında milli iminlek xezmätennän tulı xisap kötüen äytte. “Şul xisapqa kürä xäräkät itäçäkmen. Bälki oçraşu bulmas ta,”-dide Tramp. Ul Rusiyäneñ Ukraina xärbi köymälärenä ut açuın telgä aldı häm: “Kiyerenkelekne oşatmıym. Mondıy kiyerenkelekneñ buluın ber dä telämim,”-dide.
İnterv’yuda İstanbuldağı Soğud Ğaräbstanı konsullığında üterelgän jurnalist Cämal Qaşıqçığa qağılışlı sorawlar da bar. Tramp äytüençä, AQŞ küzläw oyışması Soğud prinśı Möxämmät bin Sälmannıñ bu cinayät’kä qatnaşı buluın söylämägän. Ul Sälmannıñ üzenä qarata bulğan ğayepläwlärne küp tapqırlar kire qağuın, Riyad belän Vaşington arasındağı mönäsäbätlärneñ däwam itäçägen häm bu qararnı üzgärtmäyäçägen belderde.