Paqıstan ilçelegendä qaraq
İlçelektän kompyuterlar urlanğan
Paqıstannıñ Dakkadağı ilçelegenä qaraq kergän. Bu xaqta ilneñ tışqı êşlär ministrlığı belderde.
Kemlege bilgesez keşelär tönlä Bangladeş başqalası Dakkadağı ilçelek binasında konsullıq xezmätläre kürsätelüçe bülekkä kerep kompyuterlarnı urlıy.
Bu xaqta Bangladeş poliśiyäsenä häm tışqı êşlär ministrlığına xäbär itälär. Cirle dairälär çit il diplomatik missiyäläreneñ iminlegen saqlarğa tiyeş. Paqıstan, bu nisbättän, rizasızlıq belderde. İlneñ tışqı êşlär ministrlığı diplomatik wäkilleklär urnaşqan yuğarı qurqınıçsızlıq çaraları bulğan rayonda mondıy waqıyğa kilep çığuınıñ borçu tudıruın assızıqlıy. Paqıstannıñ Dakka ilçelegennän belderülärençä, urlanğan kompyuterlarda räsmi dokumentlar häm yäşeren mäğ’lümat bulğan.
Bäyläneşle xäbärlär
Rusiya şikär êksportın waqıtlıça tıyğan
Bu ilneñ azıq-tölek bazarında totrıqlılıqnı saqlaw maqsatınnan êşlängän