NASAnıñ seysmik tikşerü apparatı Marsta

Amerika Quşma Ştatlarınıñ “İnSight” ğaläm apparatı Marsqa töşep utırdı. NASAdan belderülärençä, ul qızıl planetanıñ cir astı qatlawları turında mäğ’lümat tuplayaçaq. Apparatnıñ Marsqa yulçılığı 6 ay däwam itte. Bu 480 million kilometrdan artıq.

Apparat, Marsnıñ atmosferasına kergännän soñ, paraşyutların açıp öslekkä bärelü täêsiren kimette.  Ul planetanıñ tön’yaq yarımsferasında ber yassılıqqa utırdı.

Ğaläm apparatı berençe 6 ayda bernindi tikşerü êşe alıp barmayaçaq. Bu waqıt êçendä belgeçlär “InSight”nıñ ğomumi xälen küzätäçäk.

Şunnan soñ apparatnıñ robot qulı texnikadağı seysmometrnı Mars öslegenä quyaçaq häm älege cihaz 40 köndä 2 metr tiränlekkä töşep teträwlärne terki başlayaçaq.