Täxet varisı Qaşıqçınıñ ülemennän soñ täwge tapqır çit il säfärendä

Soğud Ğaräbstanı täxet varisı prinś Möxämmäd bin Sälman Soğud Ğaräbstanı jurnalistı Cämal Qaşıqçınıñ 2 nçe oktyabr’dä üterelüennän soñ täwge tapqır çit il säfärenä çıqqan.  

Bu xaqta Soğud Ğaräbstanınıñ räsmi xäbär agentlığı “SPA” belderä.

Prinśnıñ qayber Ğaräp illärenä säfäre patşa Sälman bin Abdulazizneñ boyırğı belän ilneñ regional’ häm xalıqara mönäsäbätlären nığıtu maqsatı belän başqarıla.

Soğud Ğaräbstanınıñ “Äl Arabiya” televideniyese priñsnıñ berençe tuqtalışınıñ Berläşkän Ğaräp Ämirlekläre buluın citkergän.

Soğud Ğaräbstanı ênergetika ministrı Halid Abdulaziz äl-Falih prinśnıñ çit il säfäre qısasında 30 nçı noyabr - 1 nçe dekabr’ könnärendä Argentinada G-20 sammitında qatnaşaçağın beldergän ide.

Jurnalist Cämal Qaşıqçınıñ 2 nçe oktyabr’dä Soğud Ğaräbstanınıñ İstanbuldağı baş konsullığında üterelüennän soñ täxet varisı prinś Möxämmäd bin Sälman täwge tapqır çit il säfärenä çıqtı.