Kaliforniyädäge yanğın

AQŞnıñ Kaliforniyä ştatında däwam itüçe urman yanğınnarında ğomere özelüçelär 79ğa citte. Kiçä tağın 2 keşeneñ üle gäwdäse tabılğan. Bu xaqta Butte töbäge şerifı Kori Xonea belderde. Anıñ äytüençä,  699 keşe äle xaman xäbärsez yuğalğannar isemlegendä.

Ştat tarixındağı iñ ülemçel häm cimergeç yanğınnar 8nçe noyabr’dä başlanğan ide. Ut 12 meñgä yaqın qorılmanı kölgä oçırdı. Yalqın xäzerge waqıtta 611 kvadrat kilometrğa cäyelde.

Ştatnıñ kön’yağındağı yanğınnarda isä 3 keşe ülde, 450 yort citdi zarar kürde.