Greśiyädä êş taşlaw çarası
Greśiya däwlät xezmätkärläre federaśiyäse xökümättän êşläwçelär häm layıqlı yaldağılarnıñ xezmät xaqlarınnan totılıp qalğan aqçalar häm salım artışların kire tüläwne taläp itä
Greśiyäneñ iñ zur däwlät xezmätkärläre hönärçelär berlege ber täwlekkä êş taşlaw çarası başlatqan.
Yaqınça yartı million däwlät xezmätkären wäkillek itüçe Greśiya däwlät xezmätkärläre federaśiyäse xökümättän êşläwçelär häm layıqlı yaldağılarnıñ xezmät xaqlarınnan totılıp qalğan aqçalar häm salım artışların kire tüläwne taläp itä.
Bolar isä 2010 nçı yıldan soñ Greśiyägä Awrupa Berlege häm Xalıqara valyuta fondı IMF tarafınnan birelgän 3 ayırım qotqaru paketınıñ şartları bularaq ğamälgä kertelgän ide.
Greśiya däwlät xezmätkärläre federaśiyäse “Xökümät taläplärebezne qanäğät’länderü öçen çiktän tış êkonomiyäläw säyäsätennan waz kiçärga tiyeş” dip beldergän.
Greśiyäneñ 2010 nçı yılda finans qotqaru yärdäme taläp itüennän soñ ildä däwlät xezmätkärläreneñ êş xaqı 40% tiräse kimegän.
Greśiya 2010 nçı yıldan birle Yevro töbägendäge başqa illär häm IMFdän 260 milliard yevro yärdäm alğan.
8 yılda keçeräygän iq’tisad qabat üsä başlağan häm 2013 nçe yılda 28% bulğan rekord däräcädäge êşsezlek 18%qa töşkän.
Fäqät’ bu Yevro töbäge illäre arasında haman da iñ yuğarı kürsätkeç.
