Gollivud yoldızlarınıñ yortları yana
Kaliforniyädäge urman yanğınında bik küp mäşhür keşelär yortların yuğalttı
Amerika Quşma Ştatlarınıñ Kaliforniya ştatındağı yanğınnar däwam itä. Anda ülüçelärneñ sanı 42gä citte. Soñğı täwlektä tağın 13 cansız gäwdä taptılar.
Yanğın 8bçe noyabr’dä ştatnıñ tön’yağındağı Paradays töbägendä başlandı. Ülüçelärdän tış yuğaluçılarnıñ da buluın belderälär. 200dän artıq keşedän xäbär yuq.
Bu ştat tarixındağı iñ ülemçel yanğın bularaq terkälde.
Utta 7 meñnän artıq yort, mäktäp häm êş urını zarar kürde. Şul isäptän, mäşhür aktyer Jerard Batler, cırçı Mayli Sayrus, rejissyer Gil’yermo del Toro, realiti-şow yoldızı Kim Kardaş’yan, kino aktyerları Alissa Milano häm Reyn Wilsonnıñ da yortları kölgä äwerelde.
Bäyläneşle xäbärlär
"Qayberläre tereläy kümelgän"
"Xamas" Nasır xastaxanäsendäge kümäk qaberlekne tikşerü öçen yärdäm sorıy
