Çınıqqan bakteriyälär turında kistü

Antibiotiklarğa bireşmäwçe bakteriyälärgä qarşı çara kürelmäsä - 30 yıl êçendä Awrupa, Tön’yaq Amerika häm Avstraliyädä 2 million 400 meñ keşe ülärgä mömkin. Bu xaqta İqtisadi xezmättäşlek häm üseş oyışması xisabında äytelä. Anda antibiotik häm bakteriyalarnıñ keşelärdäge täêsiren tikşerü näticäläre belän urtaqlaştılar.

Xisapta äytelgänçä, ğadi genä çaralar kürep, infekśiyälär arqasındağı 4 ülemneñ 3sen buldırmıy qalu mömkin. Oyışmağa kerüçe 33 ildä xastalıqlar baş kütärgännän soñ bakteriyälär belän köräşü öçen yılda urtaça 3 milliard yarım dollar totıla. Belgeçlär fikerençä, ägär başta uq bakteriyälärneñ taraluın kirtäläwçe çaralar kürelsä - keşelärneñ tormışı da qotqarıla, aqça da yanğa qala.