AQŞqa baruçı konvoy yartı yulğa citte
Üzäk Amerikadan quzğalğan konvoy Mexikada qunaqlıy
Üzäk Amerika däwlätlärennän AQŞqa taba baruçı meñnärçä keşedän toruçı migrant konvoyındağı berençe törkem Meksikanıñ başqalası Mexikoğa barıp citte.
Yaqınça 450 keşene waqıtlıça sıyınu urını bularaq qorılğan stadionğa urnaştırdılar. Meksika idaräse migrantlar öçen azıq-tölek hän sunıñ äzer buluın belderde.
Gonduras, Gvatemala häm Sal’vadordan zolım, dähşät häm xäyerçelektän qaçıp yulğa çıqqan 7 meñnän artıq keşeneñ säfäre berniçä atna êlek başlandı. AQŞ ilbaşı Donal’d Tramp migrantlar konvoyınıñ ilenä kerüenä röxsät itmäyäçägen äytte. Ul Meksika çigenä 10-15 meñ xärbi cibäräçäklären dä belderde.
Tramp taş belän qoral arasında ayırma bulmawın söyläde. Ul iminlek köçlärenä qaçaqlar tarafınnan atılğan taşlarnı qoral şikelle kürergä häm ut açarğa quştı.
Monnan tış, AQŞ ilbaşı Gvatemala, Sal’vador häm Gondurasqa yärdäm itüne tuqtatu belän yanadı.
