İzrail’ ğaskärläre 17 fälästinlene qulğa alğan
Alarnıñ terror waqıyğalarında qatnaşuların alğa sörelgän
İzrail’ ğaskärläre basıp alınğan Yordannıñ könbatış üzänlegendä 17 fälästinlene qulğa alğan.
İzrail’ armiyäse alarnıñ terror waqıyğalarında qatnaşuların alğa sörgän.
Qulğa alınğan fälästinlelär soraw alu öçen töbäktäge qulğa alu üzägenä cibärelgän.
Basıp alınğan Yordannıñ könbatış üzänlege häm Könçığış Qudüstä öylärdä bik yış tentü ütkärgän İzrail’ köçläre törle däğ’walar belän fälästinlelärne qulğa ala.
Fälästin räsmi çığanaqlarına kürä ,İzrail törmälärendä yaqınça 6500 fälästinle utıra.
İzrail “administrativ saq astına alu” iseme astında küzläw oyışması mäğ’lümatlarına nigezlänep fälästinlelärne 1 aydan alıp 6 ayğa qadär saq astına ala.
Saq astına alınğan keşeneñ İzrailneñ iminlegenä qurqınıç tudıruı turında qarar çıqqan oçraqta xärbi sud’ya saq astında totu waqıtın 5 yılğa qadär ozınayta ala.
Bäyläneşle xäbärlär
Awrupanıñ tovar häm xezmätlär bäyäsendä iñ qıybat ile
Awrupanıñ qullanu tovarları häm xezmätlärendä iñ qıybat ile Şveyśariyä buldı