Gruziya ilbaşın saylıy almadı

Gruziyada kiçä ütkärelgän ilbaşı saylawı näticäläre ilneñ yaña liderınıñ ikençe turda bilgelänäçägen kürsätte.  

Gruziya üzäk saylaw komissiyäseneñ internet säxfäsendä urın alğan saylaw näticälärenä kürä, xökümät yaqlaw kürsätkän bäysez namzät Salome Zurabişvili 38,64%,êlekke ilbaşı Mixail Saakaşvili yaqlağan “Köç berdämlektä” oppoziśiya koaliśiyäse namzäte Grigol Vaşadze 37,74% tawış cıyğan.
 

Namzätlärdän berse dä 50% tawış cıya almağanğa kürä ilbaşı saylana almağan.

İlbaşı Giorgi Margvelaşvili saylaw näticäläre belän bäyle ütkärgän matbuğat oçraşuında “İkençe turda aktiv qatnaşırğa çaqıram”dip beldergän.