Süriyädä totıqlı yapon jurnalistı irektä

Süriyädä 3 yıl êlek totıqlanğan yapon jurnalist Jumpey Yasuda irekkä cibärelde. Anı 3 yıl êlek Äl Kayda terrorçılıq oyışması urlağan ide. Katar wäkilläre Yasudağa oxşağan beräwneñ irekkä cibärelüen häm anıñ Törkiyäneñ Antakiya cirlegendä ber migraśiyä oyışmasında buluın xäbär itte. Älege şäxesneñ Jumpey Yasuda ikänen açıqlaw öçen êşçänlek alıp barıla. Mäğ’lümatlarğa qarağanda, anıñ çınlap ta yapon jurnalistı bulu ixtimalı zur. Yasudanıñ xatınına da xäbär cibärgännär.

Xatay xakimiyätennän belderülärençä, Yaponiyä watandaşı ikänen äytüçe ber keşene iminlek häm küzläw berämlekläre koordinaśyäsendä Süriyädän Törkiyägä kiterälär. Anıñ yanında kemlegen açıqlawçı dokumentları yuq.

Belderüdä yazılğança, şäxesneñ 2015nçe yılda qaçaq yullar belän Süriyägä kilgän häm urlanğan yapon jurnalist buluın raslaw öçen Yaponiyä dairälärennän xäbär kötelä.

44 yäş’lek Yasuda 2015nçe yılda Törkiyä arqılı Süriyägä kerde häm Äl Kayda tarafınnan totıq alındı. Terrorçılar jurnalist öçen 10 million dollar aqça soradı. Yaponiyä bu täq’dimne qabul itmäde.