Soğud Ğarӓbstanınnan möhim açıqlaw
Jurnalistnıñ konsullıkta barlıqqa kilgӓn ğawğa nӓticӓsendӓ ülüen açıqladı
Soğud Ğarӓbstanı citӓkçelege 2 üktӓbr’ könne İstanbul konsullığına kergӓnnӓn soñ yuğalğan Soğud Ğarӓbstanı jurnalistı Cӓmal Kaşıkçınıñ konsullıkta barlıqqa kilgӓn ğawğa nӓticӓsendӓ ülüen açıqladı.
Soğud Ğarӓbstanınıñ rӓsmi xӓbӓr agentlığı SPAda urın alğan xӓbӓrgӓ kürӓ Soğud Ğarӓbstanı başprokuraturası alıp barğan tikşerü nӓticӓsendӓ Cӓmal Kaşıkçınıñ İstanbuldağı konsullıkta başqa Soğud Ğarӓbstanı watandaşları belӓn bӓxӓslӓşӓ başlawı, bӓxӓsneñ zurayuı hӓm nӓticӓdӓ Kaşıkçınıñ yaqtı dönyadan kitüe belderelde.
Tikşerüneñ dӓwam itüe hӓm waqiğağa bӓylӓneşe bulğan 18 Soğud Ğarӓbstanı watandaşınıñ qulğa alınuı citkerelde.
Jurnalistnıñ ülemendӓ qatnaşı bulğan hӓrkemnӓn soraw alınacağın hӓm xökem itü organnarına tapşırılaçağın citkergӓn prokuratura barlıq çınbarlıqlar xaqındağı mӓğlümatnı cӓmӓğatçelekkӓ belderӓçӓgen açıqladı.