AQŞ ğaskärläre zur suğış çığaçağın farazlıy
Amerika xärbiläreneñ şaqtıyı ber yıl êçendä illäreneñ zur suğışqa keräçägenä ışana
1071861
Amerika xärbi xezmätkärläreneñ 46%ı illäreneñ ber yıl êçendä zur suışqa keräçägen farazlıy. Bu AQŞ qorallı köçlärendä yasalğan soraştıruda açıqlandı. Anı “Militari Tayms” gazetı ütkärde.
2017nçe yılda yasalğan şundıy uq soraştıruda isä suğış çığaçağın farazlawçılar 5% qına ide. Monın säbäben Tramp idaräse waqıtında global’ totrıqsızlıqnıñ artuı häm Rusiyä belän Qıtaydan kilüçe yanawdan kürälär. Anketa tutıruda qatnaşqan xärbilär älege ike däwlätneñ AQŞ öçen qurqınıç tudıruın assızıqlıy. 71%ı Rusiyäne, 69%ı isä Qıtaynı - “töp doşman” bularaq kürä. Uzğan yılğı anketalarda bu kürsätkeç 53 häm 45 ide.
Xärbilär tarafınnan yanaw bularaq bäyälänüçe êlementlardan berse isä kiber terrorçılıq.
