İranda cir teträw kisätüe
Tabiğıy qaza yoğıntısı astında barlığı 8 million keşe qalırğa mömkin
1069879
Tähranda cir teträw yaqınça 2 million keşegä turıdan-turı zarar birergä mömkin. Monı İran krizis belän idarä itü oyışması räise İsmail Näccar belderde. Ul başqalada cir teträwgä äzerlekneñ 15-20% qına buluın äytte. Näccar tabiğıy afät waqıtında xalıqnı imin urınnarğa tuplaw kiräklegen, ämma ul cirlärneñ citärle bulmawın assızıqladı.
“Tähranda xalıqnıñ tığızlığın isäpkä alsaq, 7 zurlığındağı yäisä tağın da köçleräk cir teträwdä yaqınça 2 million keşe zarar kürergä mömkin,”- dide ul. İran başqalasında 14 million keşe yäşi. Näccar fikerençä, tabiğıy qaza yoğıntısı astında barlığı 8 million keşe qaluı bar.