Tramp Rusiyä belän Qıtaydan artta qaluların tanıdı
AQŞ ilbaşı ğaläm ğaskärläre tözüdä älege ike ilneñ ölgerräk buluın belderde
1068452
Amerika Quşma Ştatları ilbaşı Donal’d Tramp Rusiyä belän Qıtaydan artta qaluların tanıdı. Bu xaqta ul Kentukkida saylawçılar qarşında çığış yasağanda belderde. Tramp anda Pentagonnıñ AQŞ Qorallı köçläreneñ 6nçı qulı bulğan ğaläm ğaskärlären tözü êşçänlegen başlawın söyläde. Ämma bu mäs’älädä Rusiyä häm Qıtaydan artta qaluların tanıdı.
“Qıtay häm Rusiyä älege ğaskärlärne bezdän aldaraq tözi başladı. Läkin bezdä dön’yanıñ iñ ğacäyep xalqı yäşi, iñ yaxşı raketalarnı, tanklarnı häm köymälärne bez yasıybız,”-dip söyläde AQŞ ilbaşı. Ul Pentagonğa kiräkle kürsätmälärne inde iyün’dä ük birüen belderde. “Ğalämdä Amerika xakimiyätenä iyä buluıbız kiräk,”- dip Tramp kük yözen buysındırılırğa tiyeşle mäydan bularaq iğ’lan itte.
