“Närsä buluın tögäl belergä kiräk häm däwlätlär aña qarap mönäsäbäten kürsäter"

Berläşkän Millätlär Oyışması ğomum särqatibe Antonio Guterriş İstanbulda Soğud Ğaräbstanı konsullığına kergännän soñ yuqqa çıqqan jurnalist Cämal Qaşıqçı turında Angliyäneñ BiBiSi telekanalına söyläde. Ul bu xälgä borçıluın belderde. “Oxşaş tördäge waqıyğalar sanı arta häm xalıqara cämäğat’çelek moña küz yommasqa tıyeş,”-dide Guterriş. Ul Qaşıqçınıñ yazmışın açıqlawnıñ möhim buluın alğa sörä. “Çınbarlıqnıñ yaqtırtıluı, tögäl genä äytkändä närsä buluı häm kemneñ cawaplı ikäne täğayenlänüe kiräk,”-dip söyli BMO ğomum särqatibe. Ul mondıy oçraqlar waqıtında xisap alu öçen yul tabu möhimlegen assızıqlıy. Äğär bu waqıyğa artında Soğud Ğaräbstanı xökümäte torsa, Riyadta uzaçaq investiśiyä konferenśiyäsenä kitärgäme-kitmäskäme digän sorawğa Guterriş: “Närsä buluın tögäl belergä kiräk häm däwlätlär aña qarap mönäsäbäten kürsäter,”- dip cawap birde.