İzge küñelle Xädiçä

Marokkoda ber xatın-qız yaman şeş belän awıruçı bik küp keşeneñ yäşärgä urınnarı bulmaw säbäple däwalanmawın belgännän soñ alarğa başta öyeneñ işeklären açtı, soñınnan cämğıyät’ tözep yärdäm itä başladı.

72 yäş’lek Xädiçä Ayad äl - Kortinıñ 2009nçı yılda ire yaman şeştän ülä. Şul waqıtta ul älege çirdän iza çigüçe şaqtıy keşeneñ däwalanu öçen xastaxanägä kitä almawın kürä.  Kitüçelär dä toru urınınıñ bäyäse yuğarı bulu säbäple däwalanunı yartı yulda taşlıy.

Xädiçä xanım üz öyen xastalar öçen aça. Alar däwalanu waqıtında anıñ yanında qalalar. Soñınnan olı yöräkle xanım awırularğa yärdäm itü öçen “Cännät” cämğıyäten tözi. Oyışma xastalar häm alarnıñ ğailälären qunu urını, Rabattağı onkologiyä üzägenä barıp qaytu häm tuqlanu belän täêmin itä. Bolarnın berse öçen dä aqça alınmıy.  

 Xädiçä Ayad äl - Korti üz öyendä 15 awıru xatın-qıznı sıyındıra, tağın 15e öçen isä fatir arendalıy.

Cämğıyät’ne tözüdä başlap yörgän xanım täwge xezmätlärne märxüm irennän qalğan aqça belän tormışqa aşıra. Soñınnan bu sıyınu urınınıñ ähämiyäten keşelär añlıy başlağaç, ul xakimiyät häm iğanäçelärneñ yärdäme belän êşli başlıy.