İndoneziyada ülüçelärneñ sanı arta

İndoneziyanıñ räsmi mäğ’lümati çaraları 28nçe sentyabr’dä bulğan cir teträw häm śunamida ğomere özelüçelärneñ sanı 2 meñ 91gä citüen belderde.

Cir teträwdän soñ urtawda 534 selkenü bulğan. Afät näticäsendä yaqınça 80 meñ keşe öçen çatır, azıq-tölek häm su şikelle berençel kiräk-yaraqlarğa ixtiyac tuğan.  Bu mäs’älädä êşçänlek äle däwam itä.

Töbäktä räsmi êzläw-qotqaru êşläre tögällände. Ämma wäqalätle zatlarnıñ röxsäte belän ixtiyarıy törkemnär häm yaqınnarın yuğaltuçılar êşen däwam itä.