Ğıyraqta şartlawlar
Bagdadnıñ törle taraflarında bulğan höcümnär şähärne tetränderde
![Ğıyraqta şartlawlar](http://cdn.trt.net.tr/images/xlarge/rectangle/7632/8ba1/79f1/5b1e0fe41ad5f.jpg?time=1719158096)
Ğıyraq başqalası Bagdadnıñ törle töbäklärendä bulğan şartlawlarda 4 keşe ülde, 7se yaralandı. Şähärneñ iminlek mödirlegennän belderülärençä, höcümnärneñ berse - başqaladan 25 kilometr könbatıştağı Äbu Garib bistäsendä buldı. Ber iminlek noqtasında bombanıñ şartlawı näticäsendä 1 xärbi ülde, 2se yaralandı. Tağın ber höcüm - Äbu Dişäyr rayonında ide. Andağı şartlawda 2 grajdanlınıñ ğomere özelde, 2se yaralandı. Bagdadnıñ tön’yağındağı Cukuk töbägendäge şartlawda isä 1 keşe ülde,1se yaralandı. Monnan tış, ictimağıy transportqa quyılğan bombanıñ şartlawı näticäsendä 2 keşe yaralandı.
Räsmi zatlar höcümnärneñ DEAŞ tarafınnan tormışqa aşırıluın belderde. Alar äytüençä, Ğıyraqta terrorçı oyışması ciñelügä duçar buldı häm höcümnär belän üzeneñ barlığın kürsätergä mataşa.
Ğıraq xökümäte räise Xäydär äl-İbadi 2017nçe yılnıñ dekabrendä DEAŞnıñ ildä xärbi barlığınıñ yuqqa çığuın iğ’lan itsä dä, oyışma qatwaqıt höcümgä küçä.