Fäläkättä ülüçelär sanı artqan
Alarnıñ sanı 1944 kä citkän
1064142
İndoneziyanıñ Sulavesi utrawındağı cirteträw häm śunamida ğomere özelgän keşe sanı 1944 kä citkän.
Bu xaqta İndoneziyanıñ Urta Sulavesi xärbi komandirlığı mäğ’lümat başlığı Muh Thohir beldergän.
Ul êzläw – qotqaru êşçänlekläreneñ däwam itüen äytkän.
İndoneziya milli afät idarä agentlığı süzçese Sutopo Purvo Nugroho 2600 yaralanğan keşeneñ xastaxanädä däwalanuın citkergän.
Süzçe 67 meñ yort häm 3 meñgä yaqın mäktäpneñ zıyan kürüen, yaqınça 63 meñ keşeneñ çatırlarda qaluın beldergän.
Śunami häm cirteträw xäzergä qadär 658 million dollar külämendä zıyan salğan.
Palu häm Dongalada êzläw-qotqaru êşçänleklärendä 7 meñnän kübräk poliśiya häm ğaskär qatnaşa.