Qıtaynıñ ğaläm stanśiyäse proyıktında qıyınlıqlar
Barlıq êşlär soñğa qalıp başqarıla
Qıtaynıñ Cir orbitasına qorırğa planlaştırılğan ğaläm stanśiyäse kiçekterelergä mömkin. Çönki anıñ töp öleşen taşırğa tiyeşle raketanıñ täcribä oçışı soñğa qaldı. Bu xaqta proyektnıñ direktör urınbasarı Lin’ Şiśzyan (Линь Шицзян) belderde. Anıñ Qıtay xalıq bäysezlege armiyäse gazetında urın alğan açıqlawında äytelgänçä, raketa oçırtu platformasındağı êşlär artta qalğanğa kürä 2019nçı yılnıñ berençe yartısına planlaştırılğan täcribä oçışın tormışqa aşıru mömkin tügel.
“Ozın Marş 5B” raketası ğaläm stanśiyäseneñ 20 tonnalı üzäk modulen 2020nçe yılda Cir orbitasına mengezergä tiyeş ide. Anıñ täcribä oçışınıñ soñğa qaluı - stanśiyäneñ tözeleşen dä kiçekterer dip farazlana.
Bäyläneşle xäbärlär
Awrupanıñ tovar häm xezmätlär bäyäsendä iñ qıybat ile
Awrupanıñ qullanu tovarları häm xezmätlärendä iñ qıybat ile Şveyśariyä buldı
