Keşelär haman da xӓrӓbӓlӓr astında

İndoneziyaneñ Sulavesi utrawında barlıqqa kilgӓn hӓm ülüçelӓr sanı 1424kӓ citkӓn cirtetrӓwdӓn soñ 6 kön uzuğa qaramastan meñnӓrçӓ keşeneñ haman da xӓrӓbӓlӓr astında buluı belderelӓ.

Sulavesi utrawında zilzilӓ hӓm annan soñ śunami küzӓtelgӓn Paluğa bӓyle Petobo hӓm Balaroa töbӓgendӓ toraq punktlarda 3 meñnӓn artıq öyneñ cimerelüe, meñnӓrçӓ keşeneñ xӓrӓbӓlӓr astında qaluı açıqlana.

İke töbӓktӓ 150 tirӓse mӓyetneñ tabıluın ӓytkӓn rӓsmi zatlar şӓxes tanıqlığı hӓm yuğalu xӓbӓrlӓrennӓn soñ ülüçe hӓm yaralanuçı sanı belӓn bӓyle açıqlaw yasıy, lӓkin töbӓktӓ cimerelgӓn toraq punktlarında niçӓ keşeneñ haman da xӓrӓbӓlӓr astında qaluı bilgesez.

Petoboda zilzilӓdӓn soñ cirneñ 3 metrğa kütӓrelüe, qayber öylӓrneñ dӓ tözelgӓn urınnarından 300 metr yıraqlıqqa küçüe belderelӓ.

Cirtetrӓwdӓn soñ Dongala hӓm Palu şӓhӓrlӓrenӓ biyeklege 3-6 metrğa citkӓn śunami dulqınnarı bӓrgӓn ide.