PKK balalarnı suğıştıra

Separatist PKK terror oyışmasına quşıluçı qalmağaç oyışmanıň keçkenä yäş’täge balalarnı urlaw öçen keşelär yallawı bilgelände.

İminlek çığanaqlarınnan alınğan mäğlümatqa kürä sentäbr’ ayında birelgän ber terrorçınıň aňlatqannarı terror oyışması atmannarı öçen keşe tormışınıň möhim bulmawın tağın ber tapqır kürsätte.

Terrorçı beldergänçä oyışma Süriyä belän Ğiraqnıň tön’yağındağı sıyınu urınnarında 9-10 yäşlek balalardan toruçı törkemnär barlıqqa kiterä.

Bu balalarnıň qullarına qoral tottırıp, suğışırğa cibärälär.

Törkiyäneň häm xalıqara oyışmalarnıň PKKnı küzätep baruın belä häm başqarılğan keşeleksez möğamäläneň öyränelüennän qurqa. Şunıň öçen bäreleşlärdä yaralanuçı balalarnıň däwalanuına kirtä quya.

Ğailäläre yanına öylärenä qaytırğa teläwçe yaralanğan balalarğa röxsät birmäwçe terror oyışması äğzaläre alarnı ülärgä qaldıra.

PKKnıň balalarnı urlap, suğıştıruı monnan alda küp tapqır xalıqara keşe xoquqların yaqlaw häm ictmaği oyışmalarnıň räsmi xisaplarında da urın alğan ide.

Bu xisaplar oyışmanıň wäxşilegen kürsätüçe iň köçle dälillärdän berse bularaq bäyälänä.