Rusiyä 112 ğaskӓriyen yuğalttı

Rusiyӓ Federaŝiyase Şurasınıň Saqlanu hӓm iminlek komitetı başlığı Viktor Bondaryev ileneň Süriyӓdӓ operaŝiyalӓr başlatqan könnӓn bügengӓ qadӓr 3 yılda 112 ğaskӓrineň yaqtı dönyadan kitüen belderde.

Bondaryev Rusiyӓ qorallı köçlӓre Süriyӓdӓ operaŝiyalӓr başlatuınıň öçençe yıllığında açıqlaw yasadı.

Sovyetlar Berlege çorında Ӓfğanstanda berençe 3 yılda yaqınça 4800 ğaskӓri, kim digӓndӓ 60 tank hӓm 400 köbӓle transport çarası belӓn 15 oçqıç, 97 boralaq yuğaltuların xӓterlӓtkӓn Bondaryev: “Xӓzer qorallı köçlӓrebez Süriyӓdӓ 112 ğaskӓri yuğalttı. Bu ğaskӓrilӓrneň yartısı diyӓrlek An-26 oçqıç qazasında hӓm İl-20 oçqıçına utnıň açıluı nӓticӓsendӓ ülde. Ayıruça 8 oçqıç, 7 boralaq hӓm berniçӓ köbӓle transport çarasın yuğalttıq,” – dide.

Rusiyӓneň An-26 törendӓge xӓrbi oçqıçı 6 mart könne Xmeymim xӓrbi hawa bazasında texnik citeşsezleklӓr arqasında kilep töşte, 39 Rusiyӓ ğaskӓriye yaqtı dönyadan kitkӓn ide.

Süriyӓdӓ 17 sentӓbr’ könne isӓ küzӓtü oçışın yasağan hӓm 15 ğaskӓri utırğan İl-20 oçqıçı Urta diňgez östendӓ Süriyӓ hawa saqlanu raketa sisteması tarafınnan atılğan ide.