İranda yalğan isertkeç êçemlektän ülüçelär

İranda yalğan isertkeç êçemleklärdän ülüçelär sanı 42gä citte.

İlneñ sälamätlek saqlaw ministrlığı süzçese İyräç Xarirçi beldergänçä, 23nçe sentyabr’dän birle Xürmüzgan, Tön’yaq Xorasan, Fars häm Älburzda bik küp keşe yalğan isertkeç êçemlek belän ağulanğan. Alarnıñ 42se ülgän, 460ı xastaxanädä yata. Xarirçi tabiblar küzätüe astındağı 170 keşeneñ diyaliz apparatına totaştırıluın, 16 keşeneñ suqırayuın söyli.

Tön’yaq Xorasan poliśiyä idaräse mödire Ali Rıza Mezaxiri waqıyğa belän bäyle buluda şöbhälänelgän 31 keşeneñ saq astına alınuın belderde.

İranda möselman watandaşlarğa isertkeç êçemleklär satu häm qullanu tıyılğan. Alkoğol’ne kontrabanda yulı belän ilgä kertälär. Şulay uq, idän astında yasawçılar da bar.